家長常見問題

1) 我應否陪同我的小孩上琴課？
有d小朋友比較怕羞，要同陌生既琴老師共處一室會覺得不安，有家長陪同固然安全感大增，但係小朋友會因為家長在場而過於依賴，會痴住父母而減少同老師互動。有d會因為父母在場而顯得唔專心，經常左望右望，問佢野會望向父母尋求幫助，影響到教學。如果小朋友真係太怕生，不妨可以第一堂陪佢上，等佢適應新老師新環境。

2) 點樣可以彈琴有感情唔機械?
先從最基本做起，把琴譜上每一個力度記號都清楚做出黎。如果發現太難做，可先從彈scales 練起。以c major scale 為例，先以p聲量彈一次，再以mp 聲量彈，接著是mf同f，都做好了，就可以加pp同ff 。可順序依pp,p,mp,mf,f,ff 黎彈，之後再做漸大聲及漸細聲。

3) 認音好差，睇譜又好慢點算?
Practice makes perfect，就好似數學咁，計得愈多愈純熟，多做認音練習，買本五線譜，分高低音譜號，各出不同音符，後再填寫其音符名稱，日子有功﹗ 對於初學小朋友，更可以教佢在五線譜上多抄寫音符及其名稱，加深其印象。睇譜要快唯有靠多練習，多抽一些未學過的曲目來彈，視奏能力必有進步﹗

4)應該幾時對拍子機?
愈早愈好，唔好將對拍子機想像的太難同沉悶，其實對拍子機都可以好好玩。一開始對拍子機，應該先跟住拍子機拍手，對準之後可以轉換唔同既速度，例如一開始對慢既56，跟住加快去到76，再加快去到96，如此類推。之後可以加埋口數拍子，冇問題既話可以老師彈曲兼對拍子機，學生在旁邊打拍子，熟練後先開始由學生慢慢對拍子機。對於小朋友，由於一開始學的曲目音符不多，拍子淺易，對拍子機並不是一件難事。先打好和唸好拍子，再對拍子機便容易得多了﹗

5)買電子拍子機定傳統拍子機好?
傳統拍子機操作簡易，適合較年幼的小孩。電子拍子機操作較為繁複，但功能較多，初學者未必需要這些功能。

6)小朋友成日唔識又唔數拍子點算?
唔識數拍子既話，第一步可先將琴書當功課做，將每一首曲目既拍子寫出黎。第二步可邊打邊數拍子(通常挑高音部份來打) ，第三步可老師彈曲目，學生邊打邊數拍子，最後才讓學生邊彈邊數拍子。數拍子是一種習慣，應自小培養﹗

7)小朋友認音有困難，應唔應該寫晒d音符名稱以作幫助?
呢個係一個非常壞既習慣，曾經有個學生己經到三級，但係仲要將d音符名稱寫晒出黎先識彈，唔寫就完全唔識彈，可謂完全認唔到d音。如果將d音符名稱列晒出黎，小朋友就唔會動腦去記音，只會睇住d字母黎彈，認音變得更困難﹗

8)咩係考級? 要考d咩野?
主要舉辦音樂考試較為人熟識的有兩間學院，分別為英國皇家音樂學院及倫敦聖三人學院。第一至八級鋼琴考試較多人選擇考皇家學院，考試內容有四部分，分為四本書。第一部分為考試曲，從中選擇三首，可看譜彈。第二部分為scales，愈高級彈得愈多，全部需背，但考官只會抽部份黎考。第三部為sight-reading，考考生的視奏能力，考生需在有限時間內彈奏一小部份樂曲。第四部分為aural，內容較廣泛，主要考考生視唱練耳能力。

9) 用電子琴取替鋼琴可以嗎?
唔少岩岩初學既小朋友家長都會問我呢個問題，內容離唔開一開始學唔知佢有冇興趣，咁快買定部琴好貴又阻地方，其實唔一定要買琴住，可以先去琴行練琴，再作定斷。先講點解唔可以用電子琴，電子琴/數碼琴同鋼琴觸鍵既效果差好遠，簡單講電子琴輕輕力按鍵就有聲，但鋼琴需要較大既力度先發到聲，而鋼琴所做到既力度變化係電子琴所做唔到既，另外有D電子琴琴鍵較細，白鍵同黑鍵既距離亦同鋼琴唔同，為左唔令小朋友係初學階段形成惡習，都係選用鋼琴為宜，打好根基。

陸續會加，如果有問題亦歡迎問我！